ಬೆಂಗಳೂರು: ನಗರದಲ್ಲಿ ಗ್ರ್ಯಾಂಡ್ ಕಪ್(Grand cup)–ಅಖಿಲ ಭಾರತ ಓಪನ್ ಕರಾಟೆ ಚಾಂಪಿಯನ್ಶಿಪ್(Karate Championship) 2026ನ್ನು ಭಾನುವಾರ, ಆಗಸ್ಟ್ 9, 2026ರಂದು ಕೋರಮಂಗಲದ(Koramangala) ಒಳಾಂಗಣ ಕ್ರೀಡಾಂಗಣದಲ್ಲಿ ಆಯೋಜಿಸಲಾಗಿದೆ.
ಅಖಿಲ ಕರ್ನಾಟಕ ಸ್ಪೋರ್ಟ್ಸ್ ಕರಾಟೆ ಅಸೋಸಿಯೇಷನ್ನ ಕರ್ನಾಟಕ ಕ್ರೀಡಾ ಆಯೋಗದ ಉಪಾಧ್ಯಕ್ಷರಾದ ರೆನ್ಶಿ ಜೈನ್ ಅವರ ನೇತೃತ್ವದ ಸೂಡೋಕನ್ ಮಾರ್ಷಲ್ ಆರ್ಟ್ಸ್, ಡಾ. ಶಿಹಾನ್ ಎ.ಝಡ್. ಮುಹೀಬ್ ಅವರ ನೇತೃತ್ವದ ಎ.ಝಡ್. ಮಾರ್ಷಲ್ ಆರ್ಟ್ಸ್ ಅಕಾಡೆಮಿಯ ಸಹಯೋಗದಲ್ಲಿ ಈ ಕಾರ್ಯಕ್ರಮವನ್ನು ಆಯೋಜಿಸಿದೆ. ದೇಶದ ವಿವಿಧ ಭಾಗಗಳಿಂದ ಕರಾಟೆ ಕ್ರೀಡಾಪಟುಗಳು ಭಾಗವಹಿಸಲಿರುವ ಈ ಚಾಂಪಿಯನ್ಶಿಪ್ನಲ್ಲಿ ತೀವ್ರ ಪೈಪೋಟಿ ಹಾಗೂ ಕ್ರೀಡಾ ಪ್ರತಿಭೆಯನ್ನು ವೀಕ್ಷಿಸುವ ಅವಕಾಶ ದೊರೆಯಲಿದೆ.
ಚಾಂಪಿಯನ್ಶಿಪ್ನಲ್ಲಿ ಕಟಾ, ಕುಮಿಟೆ ಮತ್ತು ಟೀಮ್ ಕಟಾ ವಿಭಾಗಗಳಲ್ಲಿ ಸ್ಪರ್ಧೆಗಳು ನಡೆಯಲಿದ್ದು, ವಿವಿಧ ವಯೋಮಾನದ ಹಾಗೂ ಬೆಲ್ಟ್ ವಿಭಾಗಗಳ ಕ್ರೀಡಾಪಟುಗಳು ಸ್ಪರ್ಧಿಸಲಿದ್ದಾರೆ. ದೇಶದ ವಿವಿಧ ಭಾಗಗಳಿಂದ ಆಗಮಿಸುವ ಉದಯೋನ್ಮುಖ ಕರಾಟೆ ಪ್ರತಿಭೆಗಳನ್ನು ವೀಕ್ಷಿಸಲು ಇದು ಉತ್ತಮ ವೇದಿಕೆಯಾಗಲಿದೆ.
ಈ ಚಾಂಪಿಯನ್ಶಿಪ್ಗೆ AKSKA ಅಧ್ಯಕ್ಷರಾದ ಅರುಣ್ ಮಾಚಯ್ಯ ಹಾಗೂ AKSKA ಪ್ರಧಾನ ಕಾರ್ಯದರ್ಶಿಗಳಾದ ಶಿಹಾನ್ ಭಾರ್ಗವ್ ರೆಡ್ಡಿ ಅವರ ಬೆಂಬಲವಿದೆ.
*ಕಾರ್ಯಕ್ರಮದ ವಿವರಗಳು*
ದಿನಾಂಕ: ಭಾನುವಾರ, ಆಗಸ್ಟ್ 9, 2026 | ಸ್ಥಳ: ಒಳಾಂಗಣ ಕ್ರೀಡಾಂಗಣ, ಕೋರಮಂಗಲ, ಬೆಂಗಳೂರು
ಸಮಯ: ಬೆಳಗ್ಗೆ 9.30ರಿಂದ ಸಂಜೆ 06.00ಗಂಟೆವರೆಗೆ