Commercial Street ಪೊಲೀಸರ ಕಾರ್ಯಾಚರಣೆ: ಆತ್ಮಹತ್ಯೆಗೆ ಯತ್ನಿಸಿದ್ದ ಮಹಿಳೆಯ ರಕ್ಷಣ ಪೊಲೀಸರ ಕಾರ್ಯಾಚರಣೆ: ಆತ್ಮಹತ್ಯೆಗೆ ಯತ್ನಿಸಿದ್ದ ಮಹಿಳೆಯ ರಕ್ಷಣೆ

ಬೆಂಗಳೂರು: ದಿನಾಂಕ:19/07/2026 ರಂದು ಸಂಜೆ 05:36 ಗಂಟೆಯ ಸಮಯದಲ್ಲಿ ಕುಟುಂಬದ ಸಮಸ್ಯೆಗಳ ಹಿನ್ನೆಲೆಯಲ್ಲಿ ವಿಧಾನಸೌಧ ಪೊಲೀಸ್ ಠಾಣೆಯ ಸರಹದ್ದಿನ TMC ಕಛೇರಿಯ ಸಮೀಪ ಓರ್ವ ಮಹಿಳೆಯು ಮಾತ್ರೆಗಳನ್ನು ಸೇವಿಸಿ ಆತ್ಮಹತ್ಯೆಗೆ ಯತ್ನಿಸುತ್ತಿರುವ ಬಗ್ಗೆ ಸಾರ್ವಜನಿಕರೊಬ್ಬರು ನಮ್ಮ 112 ತುರ್ತು ಸಹಾಯವಾಣಿಗೆ ಕರೆ ಮಾಡಿ ಮಾಹಿತಿಯನ್ನು ನೀಡಿರುತ್ತಾರೆ. ಕೂಡಲೇ ಕಾರ್ಯಪ್ರವೃತ್ತರಾದ ನಮ್ಮ-112 ಸಿಬ್ಬಂದಿಯವರು Commercial street ಪೊಲೀಸ್ ಠಾಣೆಯ ಹೊಯ್ಸಳ-43 ರಲ್ಲಿ ಕರ್ತವ್ಯದಲ್ಲಿದ್ದ ASI ಉಮಾಪತಿ.ಜೆ.(ASI Umapathi.J) ಹಾಗೂ ಹೆಚ್‌ಸಿ ದುಂಡಪ್ಪ.ಟಿ(HC. Dundappa.T) ರವರಿಗೆ ಮಾಹಿತಿಯನ್ನು ರವಾನಿಸಲಾಗಿದ್ದು, ಕೇವಲ 06 ನಿಮಿಷದಲ್ಲಿ ಸ್ಥಳಕ್ಕೆ ಬಂದ ಪೊಲೀಸರು, ಆತ್ಮಹತ್ಯೆಗೆ ಯತ್ನಿಸಿದ್ದ ಓರ್ವ ಮಹಿಳೆಯ ಪರಿಸ್ಥಿತಿಯನ್ನು ನೋಡಿ, ಪೊಲೀಸರು ಆಕೆಗೆ ತಕ್ಷಣ ವೈದ್ಯಕೀಯ ಚಿಕಿತ್ಸೆಯ ಸಲುವಾಗಿ ಆಕೆಯನ್ನು ಆಟೋರಿಕ್ಷಾದ ಮೂಲಕ ಹತ್ತಿರದ ಆಸ್ಪತ್ರೆಗೆ ದಾಖಲಿಸಿ, ಚಿಕಿತ್ಸೆ ಕೊಡಿಸಿದರು. ವೈದ್ಯರು ಸಮಯೋಚಿತ ವೈದ್ಯಕೀಯ ಚಿಕಿತ್ಸೆ ನೀಡಿ ಅಪಾಯದಿಂದ ಪಾರಾಗಿದ್ದಾರೆoದು ದೃಢಪಡಿಸಿದ ನಂತರ ಸುರಕ್ಷತೆಯನ್ನು ಖಚಿತಪಡಿಸಿಕೊಂಡ ಪೊಲೀಸರು, ಮುಂದಿನ ಕಾನೂನು ಕ್ರಮ ಹಾಗೂ ಅಗತ್ಯ ಅನುಸರಣಾ ಕ್ರಮಗಳಿಗಾಗಿ ಆಕೆಯನ್ನು ವಿಧಾನಸೌಧ ಪೊಲೀಸರ ವಶಕ್ಕೆ ಒಪ್ಪಿಸಲಾಗಿರುತ್ತದೆ.ಈ ಘಟನೆ ತುರ್ತು ಪರಿಸ್ಥಿತಿಗಳಲ್ಲಿ ಬೆಂಗಳೂರಿನ ನಗರ ಪೊಲೀಸರ ತ್ವರಿತ ಸ್ಪಂದನೆ, ಮಾನವೀಯತೆ ಹಾಗೂ ಕರ್ತವ್ಯನಿಷ್ಠೆಗೆ ಉತ್ತಮ ಉದಾಹರಣೆಯಾಗಿದೆ. ಹೊಯ್ಸಳ ತಂಡದ ಸಮಯೋಚಿತ ಕ್ರಮದಿಂದ ಅಮೂಲ್ಯ ಜೀವವೊಂದು ಉಳಿದಿದ್ದು, ನಮ್ಮ 112 ತುರ್ತು ಪ್ರತಿಕ್ರಿಯೆ ವ್ಯವಸ್ಥೆಯ ಬಗ್ಗೆ ಸಾರ್ವಜನಿಕರಲ್ಲಿ ಇನ್ನಷ್ಟು ವಿಶ್ವಾಸ ಮೂಡಿದೆ.