ಪಾಸ್ ಪೋರ್ಟ್ ಪಡೆಯುವುದು ಈಗ ಇನ್ನಷ್ಟು ಸುಲಭ!

ನವದೆಹಲಿ: 13 ನೇ ಪಾಸ್ ಪೋರ್ಟ್ ಸೇವಾ ದಿವಸ್ ಸಂದರ್ಭದಲ್ಲಿ ಭಾರತ ಇ ಪಾಸ್ಪೋರ್ಟ್ ಅಲ್ಲಿ ಉತ್ತಮ ಪ್ರತಿಕ್ರಿಯೆ ಬಂದಿದ್ದು, ಇದರ ಬೆನ್ನಲ್ಲೇ ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಪಿಎಸ್‍ಪಿವಿ 2.0 ಘೋಷಣೆ ಮಾಡಿದ್ದು, ಈ ಮೂಲಕ ಪಾಸ್ ಪೋರ್ಟ್ ಅನ್ನು ಇನ್ನಷ್ಟು ಸುಲಭವಾಗಿ ಪಡೆಯಬಹುದಾಗಿದೆ,
ಕಳೆದ ದಶಕದಲ್ಲಿ ಪಾಸ್ ಪೋರ್ಟ್ ವಿತರಣೆಯಲ್ಲಿ ಗಮನಾರ್ಹ ಏರಿಕೆ ಕಂಡಿದ್ದು, ಪಾಸ್ ಪೋರ್ಟ್ ವಿತರಣೆಯ 2014 ರಲ್ಲಿ 91 ಲಕ್ಷದಿಂದ 2024 ರಲ್ಲಿ 91 ಲಕ್ಷದಿಂದ 2024 ರಲ್ಲಿ 1.14 ಕೋಟಿಗೆ ಏರಿಕೆಯಾಗಿದೆ ಎಂದು ವಿದೇಶಾಂಗ ಸಚಿವ ಜೈಶಂಕರ್ ತಿಳಿಸಿದರು,
ಪಾಸ್ ಪೋರ್ಟ್ ಸೇವಾ ಕಾರ್ಯಕ್ರಮದ ಆವೃತ್ತಿ 2.0 ಅನ್ನು ಈಗಾಗಲೇ ದೇಶಾದ್ಯಂತ ಜಾರಿಗೆ ತರಲಾಗಿದ್ದು, ದಕ್ಷತೆ ಮತ್ತು ಪಾರದರ್ಶಕತೆಯನ್ನು ಸುಧಾರಿಸಲು, ಉನ್ನತ ಮಟ್ಟದ ಉದಯೋನ್ಮಖ ತಂತ್ರಜ್ಞಾನಗಳನ್ನು ತರಲಾಗುತ್ತಿದೆ,
ಅಲ್ಲದೇ ಭಾರತ ಸರ್ಕಾರದ ಮುಂದಿನ ಹಂತದ ನಾಗರಿಕ ಕೇಂದ್ರಿತ ಸೇವೆಯನ್ನು ನೀಡುವ ಬದ್ಧತೆಗೆ ಅನುಗುಣವಾಗಿ, ನಾವು ದೇಶಾದ್ಯಂತ ಪಿಎಸ್‍ಪಿವಿ 2.0 ಅನ್ನು ಜಾರಿಗೆ ತಂದಿದ್ದೇವೆ, ಇದು ಪಾಸ್ ಪೋರ್ಟ್ ವಿತರಣೆಯಲ್ಲಿ ಬಹಳ ದೊಡ್ಡ ಸುಧಾರಣೆ ತರಲಿದೆ, ಜೊತೆಗೆ ಜನರು ಇನ್ನಷ್ಟು ಸುಲಭವಾಗಿ ಪಾಸ್ ಪೋರ್ಟ್ ಮಾಡಿಕೊಳ್ಳಬಹುದು ಎಂದು ಜೈ ಶಂಕರ್ ತಿಳಿಸಿದರು,