ಈ ವಾರ ತೆರೆಗೆ ಬರಲಿದೆ ಓಂಪ್ರಕಾಶ್‌ ನಾಯಕ್‌ ಅಭಿನಯದ ದಸರಾ ಬೊಂಬೆ. 

ನೀತು ಫಿಲಂ ಬ್ಯಾನರ್‌(Neetu Film Banner) ಅಡಿಯಲ್ಲಿ ನಿರ್ಮಾಣವಾಗಿರುವ ದಸರಾ ಬೊಂಬೆ ಚಲನಚಿತ್ರವು(Dasara Bombe Film) ಇದೀಗ ಸೆನ್ಸಾರ್‌ ಆಗಿದ್ದು.  ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುತ್ತಿದೆ. ಓಂಪ್ರಕಾಶ್‌ ನಾಯಕ್‌ ಕಥೆ ಚಿತ್ರಕಥೆ ಸಂಭಾಷಣೆ ಬರೆದು, ಸ್ವತಃ ಸಂಕಲನ ಮಾಡಿ ನಿರ್ದೇಶಿಸಿರುವ ದಸರಾ ಬೊಂಬೆಯಲ್ಲಿ ನಾಯಕನ ಪಾತ್ರವನ್ನೂ ನಿರ್ವಹಿಸಿದ್ದಾರೆ. ಆದರೆ ಈ ಚಿತ್ರ ಮಕ್ಕಳ ಚಿತ್ರವಾಗಿದ್ದು.  ಇದರ ಪ್ರಮುಖ ಪಾತ್ರದಲ್ಲಿ ಬೇಬಿ ನೀತೂನಾಯಕ್‌ ಅಭಿನಯಿಸಿದ್ದಾಳೆ. ಕೇವಲ ಐದೂವರೆ ವರ್ಷದ ಪುಟಾಣಿ ಬೇಬಿ ನೀತೂ ಈ ಚಿತ್ರದ ಪ್ರಮುಖ ಆಕರ್ಷಣೆಯಾಗಿದ್ದು ಚಿತ್ರದಲ್ಲಿ ಅವಳ ಅಭಿನಯ ಎಲ್ಲರನ್ನೂ ಸೆಳೆಯುವಂತಿದೆ. ನೀತೂಳಿಗೆ ಅಣ್ಣನಾಗಿ  ಮಾಸ್ಟರ್‌ ಆರ್ಯನ್ ಅಭಿನಯಿಸಿದ್ದು ಇಬ್ಬರೂ ಮೈಸೂರು ದಸರಾದಲ್ಲಿ ಲಕ್ಷಾಂತರ ಜನರೆದುರು ಯಾವುದೇ ಹಿಂಜರಿಕೆಯಿಲ್ಲದೆ ಅಭಿನಯಿಸಿರುವುದು ಚಿತ್ರದ ಪ್ರಮುಖ ಹೈಲೈಟ್‌ ಎನ್ನಬಹುದು. ಕಳೆದ ಬಾರಿಯ ದಸರಾದಲ್ಲಿ ದಸರಾ ಬೊಂಬೆಯ ಚಿತ್ರೀಕರಣ ನಡೆಸಿದ್ದು ಈ ಬಾರಿಯ ದಸರಾ ಸಮಯದಲ್ಲಿ ಚಿತ್ರವು ಬಿಡುಗಡೆಯಾಗುತ್ತಿದೆ. ಈ ಚಿತ್ರಕ್ಕೆ ಛಾಯಾಗ್ರಹಣ ರವಿ, ಸಹ ನಿರ್ದೇಶನ  ಮೋಹಿತ್‌, ಮೇಕಪ್‌ ರುದ್ರೇಶ್‌,  ಪತ್ರಿಕಾ ಸಂಪರ್ಕ  – ವಿ.ಎಂ.ಎಸ್.ಗೋಪಿ  ಮಾಡಿದ್ದಾರೆ. ತಾರಾಗಣದಲ್ಲಿ ಬೇಬಿ ನೀತು ನಾಯಕ್‌, ಮಾಸ್ಟರ್‌ ಆರ್ಯನ್ ಓಂಪ್ರಕಾಶ್‌ ನಾಯಕ್‌, ನಿರುಪಮಾ ಚಂದ್ರಕಾಂತ್‌, ಉಮಾದೇವಿ, ಮಂಜುನಾಥ್‌, ರುದ್ರೇಶ್‌, ಮೈಸೂರು ಹರೀಶ್‌, ಅಭಿಸಾರಿಕ, ಮಧು, ತುಳಸಿ ಗಣೇಶ್‌, ಮುಂತಾದವರು ಅಭಿನಯಿಸಿದ್ದಾರೆ. ಚಿತ್ರವು ಅಕ್ಟೋಬರ್‌ 2ರಂದು ಬಿಡುಗಡೆಯಾಗುವುದಾಗಿ ನಿರ್ಮಾಪಕರು ತಿಳಿಸಿದ್ದಾರೆ.