ಡಾ: ಕಸ್ತೂರಿ ರಂಗನ್ ವರದಿ ಪರಿಸರದ ಬಗ್ಗೆ ಬರೆದ ಮರಣ ಶಾಸನ – ಶಾಸಕ ಟಿ.ಡಿ. ರಾಜೇಗೌಡ

ಬೆಂಗಳೂರು: ಡಾ: ಕಸ್ತೂರಿ ರಂಗನ್ ವರದಿಯು ಪಶ್ಚಿಮ ಘಟ್ಟಗಳ ವ್ಯಾಪ್ತಿಯಲ್ಲಿ ವಾಸಿಸುವ ಜನರ ಮರಣ ಶಾಸನ(The People’s Death Warrant) ಎಂದು ಶೃಂಗೇರಿ ಶಾಸಕ ರಾಜೇಗೌಡ(Raje Gowda) ಅವರು ತಿಳಿಸಿದರು.

ಇಂದು ವಿಧಾನಸಭೆಯಲ್ಲಿ ವಿಶೇಷ ಚರ್ಚಿಯಲ್ಲಿ ಭಾಗವಹಿಸಿ ಪಶ್ಚಿಮಘಟ್ಟಗಳ ಡಾ: ಕಸ್ತೂರಿ ರಂಗನ್ ನೇತೃತ್ವದ ಕರಡು ವರದಿಗೆ ಪ್ರತಿರೋಧ ವ್ಯಕ್ತಪಡಿಸಿ ಮಾತನಾಡುತ್ತಾ, ತನ್ನ ನಿಲುವನ್ನು ವ್ಯಕ್ತಪಡಿಸಿ, ಶಾಸಕ ಟಿ.ಡಿ. ರಾಜೇಗೌಡ ಮಾತನಾಡಿದರು.

ಪಶ್ಚಿಮ ಘಟ್ಟ ವ್ಯಾಪ್ತಿಯಲ್ಲಿ ಆರು ರಾಜ್ಯಗಳನ್ನು ಸೇರಿಸಿದೆ. ಕರ್ನಾಟಕದ ಒಟ್ಟು 20,668 ಚದರ ಕಿಮೀ ಸುಮಾರು 20,668 ಚದರ ಕಿಲೋಮೀಟರ್ ಪ್ರದೇಶವನ್ನು ಇಎಸ್‍ಎ ವ್ಯಾಪ್ತಿಗೆ ತರಲು ಪ್ರಸ್ತಾಪಿಸಲಾಗಿದೆ. ಪ್ರಸ್ತುತ 500 ಎಕರೆ ಪ್ರದೇಶದಲ್ಲಿ ಪಾರಂಪರಿಕವಾಗಿ ವಾಸ ಮಾಡುತ್ತಿದ್ದಾರೆ. ಭೂಮಿ ರಕ್ಷಣೆ ಮಾಡಲು ಈಗಾಗಲೇ ಅನೇಕ ಅರಣ್ಯ ಕಾಯ್ದೆಗಳು ಜಾರಿಯಲ್ಲಿವೆ. ಈ ಕಾಯಿದೆಗಳೇ ಜನರ ಬದುಕಿಗೆ, ಅಭಿವೃದ್ಧಿಗೆ ಅಡ್ಡಬರುತ್ತಿದ್ದು, ಇನ್ನು ಡಾ: ಕಸ್ತೂರಿ ರಂಗನ್ ವರದಿ ಜಾರಿಗೊಳಿಸಿದ್ದಲ್ಲಿ ಅರಣ್ಯದ ಭಾಗಗಳಲ್ಲಿ ವಾಸಿಸುವ ಜನರ ಸ್ಥಿತಿ ಅತಂತ್ರವಾಗುತ್ತದೆ. ವಿಶೇಷ ಕಾಯಿದೆಗಳನ್ನು ತಂದು ಸವಲತ್ತುಗಳನ್ನು ಕಡಿಮೆ ಮಾಡಬಾರದು ಎಂದು ತಿಳಿಸಿದರು.

ವೈಜ್ಞಾನಿಕವಾಗಿ ಸ್ಥಳೀಯ ಜಾಗಗಳ ಸ್ಥಿತಿಗತಿ, ಗ್ರಾಮಮಟ್ಟದಲ್ಲಿ ನಕ್ಷೆ ಸಿದ್ದಪಡಿಸುವಾಗ ಜನ ವಸತಿ ಪ್ರದೇಶಗಳನ್ನು ಪ್ರತ್ಯೇಕವಾಗಿ ಗುರುತಿಸಬೇಕು. ಮಲೆನಾಡು ಜನರ ಬದುಕನ್ನು ಉಳಿಸಬೇಕು ಎಂದರು. ಅರಣ್ಯ ಇಲಾಖೆ ಹಾಗೂ ಕಂದಾಯ ಇಲಾಖೆ ಜಂಟಿ ಸರ್ವೆ ಮಾಡುವುದು ಸೂಕ್ತವೆಂದು ಸಲಹೆ ನೀಡಿದರು.

ಪಶ್ಚಿಮ ಘಟ್ಟಗಳ ಪರಿಸರವನ್ನು ಸಂರಕ್ಷಿಸುವ ನಿಟ್ಟಿನಲ್ಲಿ ಡಾ: ಕಸ್ತೂರಿ ರಂಗನ್ ವರದಿಯ ಸಾಧಕ-ಬಾಧಕಗಳನ್ನು ಚರ್ಚೆ ಮಾಡಿ, ಪರಿಸರ ಉಳಿಸುವ ಹಾಗೂ ಜನರ ರಕ್ಷಿಸುವ ಕೆಲಸ ಮಾಡಬೇಕು. ಈ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರದ ಪರಿಸರ ಸಚಿವರನ್ನು ಎಲ್ಲಾ ಸದಸ್ಯರ ನಿಯೋಗವು ಭೇಟಿ ಮಾಡಿ ಕಾನೂನು ರೂಪಿಸಲು ಕೋರಬೇಕು ಎಂದು ತಿಳಿಸಿದರು.

ಅರಣ್ಯ ಪ್ರದೇಶವನ್ನು ಉಳಿಸುವವರ ಜೀವನವನ್ನು ರಕ್ಷಿಸುವುದು ಸರ್ಕಾರದ ಕರ್ತವ್ಯ- ಮಾಜಿ ಸಚಿವ ಹೆಚ್.ಕೆ.ಪಾಟೀಲ್