ಏಷ್ಯನ್ ಗೇಮ್ಸ್‌ನಲ್ಲಿ ಭಾರತದ ಪದಕ ಬೇಟೆಗೆ ವೇಗ
ಜಪಾನ್‌ನ ಐಚಿ–ನಗೋಯಾದಲ್ಲಿ ನಡೆಯುತ್ತಿರುವ 2026ರ ಏಷ್ಯನ್ ಗೇಮ್ಸ್‌ನಲ್ಲಿ(Asian Games) ಭಾರತವು 60 ಪದಕಗಳ(60 Medals) ಗಡಿಯನ್ನು ದಾಟಿ ಗಮನಾರ್ಹ ಸಾಧನೆ ಮಾಡಿದೆ. ಸೆಪ್ಟೆಂಬರ್ 30ರ ವೇಳೆಗೆ ಲಭ್ಯವಿರುವ ವರದಿಗಳ ಪ್ರಕಾರ, ಭಾರತವು ಚಿನ್ನ, ಬೆಳ್ಳಿ ಮತ್ತು ಕಂಚು ಸೇರಿದಂತೆ ಒಟ್ಟು 60 ಪದಕಗಳನ್ನು ತನ್ನ ಖಾತೆಗೆ ಸೇರಿಸಿಕೊಂಡಿದೆ.
ಭಾರತದ ಪದಕ ಬೇಟೆಯಲ್ಲಿ ಕಾಂಪೌಂಡ್ ಆರ್ಚರಿ ಮತ್ತು ಶೂಟಿಂಗ್ ಪ್ರಮುಖ ಪಾತ್ರ ವಹಿಸಿವೆ. ಕಾಂಪೌಂಡ್ ಆರ್ಚರಿಯಲ್ಲಿ ಭಾರತದ ಪುರುಷರ, ಮಹಿಳೆಯರ ಮತ್ತು ಮಿಶ್ರ ತಂಡಗಳು ಚಿನ್ನದ ಪದಕ ಗೆದ್ದು ಗಮನಾರ್ಹ ಸಾಧನೆ ಮಾಡಿವೆ. ಮಹಿಳೆಯರ ತಂಡವು ಚೀನಾವನ್ನು 238–234 ಅಂಕಗಳಿಂದ ಸೋಲಿಸಿದರೆ, ಪುರುಷರ ತಂಡವು ಚೀನಾವನ್ನು 238–237 ಅಂಕಗಳಿಂದ ಮಣಿಸಿ ಚಿನ್ನ ಗೆದ್ದಿತು.ಮಿಶ್ರ ಕಾಂಪೌಂಡ್ ವಿಭಾಗದಲ್ಲಿಯೂ ಚಿಕಿಥಾ ತನಿಪಾರ್ಥಿ ಮತ್ತು ಸಾಹಿಲ್ ಜಾಧವ್ ಜೋಡಿ ದಕ್ಷಿಣ ಕೊರಿಯಾ ವಿರುದ್ಧ ಶೂಟ್‌ಆಫ್‌ನಲ್ಲಿ ಜಯ ಸಾಧಿಸಿ ಚಿನ್ನ ಗೆದ್ದಿತು. ನಿಗದಿತ ನಾಲ್ಕು ಎಂಡ್‌ಗಳ ಬಳಿಕ ಪಂದ್ಯ 157–157ರಲ್ಲಿ ಸಮಬಲಗೊಂಡಿದ್ದು, ಶೂಟ್‌ಆಫ್‌ನಲ್ಲಿ ಭಾರತ 20–19ರಿಂದ ಗೆಲುವು ಸಾಧಿಸಿತು. ಶೂಟಿಂಗ್‌ನಲ್ಲಿಯೂ ಭಾರತಕ್ಕೆ ಪ್ರಮುಖ ಯಶಸ್ಸು ದೊರೆಯಿತು. ನೀರು ಧಾಂಡಾ ಮಹಿಳೆಯರ ಟ್ರ್ಯಾಪ್ ವೈಯಕ್ತಿಕ ವಿಭಾಗದಲ್ಲಿ ಚಿನ್ನ ಗೆದ್ದರು. ಬಳಿಕ ಕೈನನ್ ಚೆನೈ ಮತ್ತು ನೀರು ಧಾಂಡಾ ಜೋಡಿ ಮಿಶ್ರ ಟ್ರ್ಯಾಪ್ ತಂಡ ವಿಭಾಗದಲ್ಲೂ ಚಿನ್ನದ ಪದಕ ಪಡೆದಿತು.
ಈ ಸಾಧನೆಗಳಿಂದಾಗಿ ಭಾರತವು ಏಷ್ಯನ್ ಗೇಮ್ಸ್ ಪದಕ ಪಟ್ಟಿಯಲ್ಲಿ ತನ್ನ ಸ್ಥಾನವನ್ನು ಮತ್ತಷ್ಟು ಬಲಪಡಿಸಿಕೊಂಡಿದೆ. ಅಥ್ಲೆಟಿಕ್ಸ್, ಶೂಟಿಂಗ್, ಆರ್ಚರಿ, ಬಾಕ್ಸಿಂಗ್, ಕುಸ್ತಿ, ಕ್ರಿಕೆಟ್ ಸೇರಿದಂತೆ ಹಲವು ಕ್ರೀಡೆಗಳಿಂದ ಭಾರತೀಯ ಕ್ರೀಡಾಪಟುಗಳು ಪದಕಗಳನ್ನು ಗೆದ್ದಿದ್ದಾರೆ.
2023ರ ಹ್ಯಾಂಗ್‌ಝೌ ಏಷ್ಯನ್ ಗೇಮ್ಸ್‌ನಲ್ಲಿ ಭಾರತವು 106 ಪದಕಗಳನ್ನು ಗೆದ್ದು ತನ್ನ ಅತ್ಯುತ್ತಮ ಪ್ರದರ್ಶನ ನೀಡಿತ್ತು. 2026ರ ಕ್ರೀಡಾಕೂಟದಲ್ಲಿ ಇನ್ನೂ ಸ್ಪರ್ಧೆಗಳು ಮುಂದುವರಿದಿರುವುದರಿಂದ ಭಾರತದ ಒಟ್ಟು ಪದಕಗಳ ಸಂಖ್ಯೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ.