ಡಾ. ರೇಣುಕಾ ಅವರಿಗೆ ಪ್ರತಿಷ್ಠಿತ “ಗುರು ದ್ರೋಣಾಚಾರ್ಯ ಪ್ರಶಸ್ತಿ” ಪ್ರದಾನ

ಡಾ. ರೇಣುಕಾ (Dr.Renuka S) ಎಸ್.  ಕನ್ಸಲ್ಟೆಂಟ್ ನೆಫ್ರಾಲಜಿಸ್ಟ್ ಸೇಂಟ್ ಜಾನ್ಸ್ ಮೆಡಿಕಲ್ ಕಾಲೇಜ್ (St. John’s Medical College) ಆಸ್ಪತ್ರೆ @ಬ್ರಿಗೇಡ್ ಮಡೋಸ್  (Brigade Medows) ಅವರಿಗೆ ಅವರ್ತಾ ಇಂಡಿಯಾ (Avartha India) ಬೆಂಗಳೂರು ಸೊಸೈಟಿಯು ತನ್ನ ವಾರ್ಷಿಕ ಸಮ್ಮೇಳನದಲ್ಲಿ ಪ್ರತಿಷ್ಠಿತ ಗುರುದ್ರೋಣಾಚಾರ್ಯ (Guru Dronacharya Award) ಪ್ರಶಸ್ತಿಯನ್ನು ನೀಡಿ ಗೌರವಿಸಿದೆ.

ಇತ್ತೀಚೆಗೆ ನಡೆದ ಸಮ್ಮೇಳನದಲ್ಲಿ ನೆಫ್ರಾಲಜಿ, ವೈದ್ಯಕೀಯ ಶಿಕ್ಷಣ, ಮಾರ್ಗದರ್ಶನ, ಸಂಶೋಧನೆ ಹಾಗೂ ರೋಗಿಗಳ ಆರೈಕೆ ಕ್ಷೇತ್ರಗಳಲ್ಲಿ ಮೂರು ದಶಕಗಳಿಗೂ ಹೆಚ್ಚುಕಾಲ ಅವರು ಸಲ್ಲಿಸಿರುವ ವಿಶಿಷ್ಟ ಕೊಡುಗೆಗಳನ್ನು ಗುರುತಿಸಿ ಈ ಗೌರವವನ್ನುನೀಡಲಾಗಿದೆ.

ಹೆಚ್ಚಿನ ಅನುಭವ ಹೊಂದಿರುವ ನೆಫ್ರಾಲಜಿಸ್ಟ್ ಹಾಗೂ ವೈದ್ಯಕೀಯ ಶಿಕ್ಷಕಿಯಾಗಿರುವ ಡಾ. ರೇಣುಕಾ ಅವರು 30 ವರ್ಷಗಳಿಗೂ ಹೆಚ್ಚು ಕಾಲ ಪದವಿ ಪೂರ್ವ ವೈದ್ಯಕೀಯ ಶಿಕ್ಷಣ, 24 ವರ್ಷಗಳ ಕಾಲ ಸ್ನಾತಕೋತ್ತರ ಶಿಕ್ಷಣ ಹಾಗೂ 24 ವರ್ಷಗಳ ಕಾಲ ಬಿ.ಎಸ್‌ಸಿ. ಅಲೈಡ್  ಡಯಾಲಿಸಿಸ್ ಶಿಕ್ಷಣದಲ್ಲಿತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. 2007 ರಿಂದ 2024 ರವರೆಗೆ ಡಿ.ಎಂ. ನೆಫ್ರಾಲಜಿ ಬೋಧನೆಯಲ್ಲಿ ಸಕ್ರಿಯವಾಗಿ ಭಾಗವಹಿಸಿದ್ದರು. ಅವರು 26 ಸೂಪರ್-ಸ್ಪೆಷಾಲಿಟಿ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ನೀಡಿದ್ದು, ಅವರಲ್ಲಿ ಹಲವರು ತಮ್ಮದೇ ಆದ ನೆಫ್ರಾಲಜಿ ವೃತ್ತಿ ಜೀವನದಲ್ಲಿ ಯಶಸ್ವಿಯಾಗಿ ಸ್ಥಾಪಿತರಾಗಿದ್ದಾರೆ. ಇದಲ್ಲದೆ, 35 ಸಂಶೋಧನಾ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ನೀಡಿರುವುದು ಅವರ ನಿರಂತರ ಶೈಕ್ಷಣಿಕ ಹಾಗೂ ಸಂಶೋಧನಾ ಮಾರ್ಗದರ್ಶನದ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.

ಅವರ ವೈದ್ಯಕೀಯ ಸೇವೆಯ ಕೊಡುಗೆಯೂ ಅಷ್ಟೇ ಮಹತ್ವದ್ದಾಗಿದೆ. ತಮ್ಮ ವೃತ್ತಿಜೀವನದ ಅವಧಿಯಲ್ಲಿ ಡಾ. ರೇಣುಕಾ ಅವರು 282 ಕಿಡ್ನಿ ಕಸಿ ಶಸ್ತ್ರಚಿಕಿತ್ಸೆಗಳಲ್ಲಿ, ಸುಮಾರು 1,80,000 ಡಯಾಲಿಸಿಸ್ ಪ್ರಕ್ರಿಯೆಗಳಲ್ಲಿ, 1,44,000 ಹೊರರೋಗಿ ಸಮಾಲೋಚನೆಗಳಲ್ಲಿ ಹಾಗೂ ಸುಮಾರು 18,000 ಒಳರೋಗಿಗಳ ಚಿಕಿತ್ಸೆಯಲ್ಲಿ ಭಾಗಿಯಾಗಿದ್ದಾರೆ.

ಐದು ಅಂತರರಾಷ್ಟ್ರೀಯ ಸಮ್ಮೇಳನಗಳಲ್ಲಿ ತಮ್ಮ ಶೈಕ್ಷಣಿಕ ಹಾಗೂ ಸಂಶೋಧನಾ ಕಾರ್ಯಗಳನ್ನು ಮಂಡಿಸಿದ್ದಾರೆ.

 ಈ ಸಾಧನೆಗಳು ಕೇವಲ ವೈದ್ಯಕೀಯ ಕ್ಷೇತ್ರದಲ್ಲಿನ ಶ್ರೇಷ್ಠತೆಗೆ ಮಾತ್ರವಲ್ಲದೆ, ಮೂತ್ರಪಿಂಡ ಸಂಬಂಧಿತ ಕಾಯಿಲೆಗಳಿಂದ ಬಳಲುತ್ತಿರುವ ರೋಗಿಗಳು ಮತ್ತು ಅವರ ಕುಟುಂಬಗಳ ಜೀವನವನ್ನು ಸುಧಾರಿಸುವುದಕ್ಕೆ ಅವರು ತೋರಿದ ನಿರಂತರ ಬದ್ಧತೆಯನ್ನೂ ಪ್ರತಿಬಿಂಬಿಸುತ್ತವೆ.

ಡಾ. ರೇಣುಕಾ ಅವರು 2013 ರಿಂದ 2019 ರವರೆಗೆ ನೆಫ್ರಾಲಜಿ ವಿಭಾಗದ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿದ್ದಾರೆ. ಅಲ್ಲದೆ, ವಿಮೆನ್ ಇನ್ ಫ್ರಾಲಜಿ (WIN) ಸೊಸೈಟಿಯ ಕರ್ನಾಟಕ ಅಧ್ಯಾಯದ ಅಧ್ಯಕ್ಷರಾಗಿ ನಾಯಕತ್ವದ ಜವಾಬ್ದಾರಿಯನ್ನು ನಿರ್ವಹಿಸಿದ್ದಾರೆ.

ಅವರ ವೃತ್ತಿಪರ ಸದಸ್ಯತ್ವಗಳಲ್ಲಿ ಇಂಡಿಯನ್ ಸೊಸೈಟಿ ಆಫ್ ನೆಫ್ರಾಲಜಿ, ಇಂಟರ್‌ನ್ಯಾಷನಲ್ ಸೊಸೈಟಿ ಆಫ್ ನೆಫ್ರಾಲಜಿ, ಇಂಡಿಯನ್ ಸೊಸೈಟಿ ಆಫ್ ಆರ್ಗನ್ ಟ್ರಾನ್ಸ್ ಪ್ಲಾಂಟೇಶನ್, PDSI ಹಾಗೂ ಯುರೋಪಿಯನ್  ರೀನಲ್ ಅಸೋಸಿಯೇಷನ್ ಸೇರಿವೆ.

ಸೇಂಟ್ ಜಾನ್ಸ್ ಗೆ ಹೆಮ್ಮೆಯ ಕ್ಷಣ:

ಡಾ. ರೇಣುಕಾ ಎಸ್. ಅವರಿಗೆ ಗುರುದ್ರೋಣಾಚಾರ್ಯ ಪ್ರಶಸ್ತಿ ಪ್ರದಾನವಾಗಿರುವುದು ಸೇಂಟ್  ಜಾನ್ಸ್ ಮೆಡಿಕಲ್ ಕಾಲೇಜ್ ಆಸ್ಪತ್ರೆ@ ಬ್ರಿಗೇಡ್ ಮಡೋಸ್ ಹಾಗೂ ಸಮಗ್ರ ಸೇಂಟ್ ಜಾನ್ಸ್  ವೈದ್ಯಕೀಯ ಕುಟುಂಬಕ್ಕೆ ಹೆಮ್ಮೆಯ ಕ್ಷಣವಾಗಿದೆ.  ವೈದ್ಯಕೀಯ ಸೇವೆ, ಶೈಕ್ಷಣಿಕ ಶ್ರೇಷ್ಠತೆ, ಸಂಶೋಧನೆ ಮತ್ತು ಮಾರ್ಗದರ್ಶನವನ್ನು ಸಮನ್ವಯಗೊಳಿಸಿದ ಅವರ ವಿಶಿಷ್ಟ ವೃತ್ತಿಜೀವನವನ್ನು ಈ ಗೌರವವು ಗುರುತಿಸುತ್ತದೆ.

ಮೂರು ದಶಕಗಳಿಗೂ ಹೆಚ್ಚು ಕಾಲದ ಸಮರ್ಪಿತ ಸೇವೆಯೊಂದಿಗೆ, ಡಾ. ರೇಣುಕಾ ಅವರು ಇಂದಿಗೂ ಅನೇಕ ತಲೆಮಾರುಗಳ ಆರೋಗ್ಯ ವೃತ್ತಿಪರರಿಗೆ ಸ್ಫೂರ್ತಿಯಾಗಿದ್ದಾರೆ. ಜೊತೆಗೆ, ಮೂತ್ರಪಿಂಡ ವೈದ್ಯಕೀಯ ಕ್ಷೇತ್ರದ ಪ್ರಗತಿ ಹಾಗೂ ಮಾನವೀಯ ರೋಗಿ ಆರೈಕೆಗೆ ತಮ್ಮ ಅಮೂಲ್ಯ ಕೊಡುಗೆಯನ್ನು ಮುಂದುವರಿಸುತ್ತಿದ್ದಾರೆ. ವೈದ್ಯಕೀಯ ಕ್ಷೇತ್ರದಲ್ಲಿನ ಶ್ರೇಷ್ಠತೆ, ಬೋಧನೆಯ ಮೇಲಿನ ಬದ್ಧತೆ ಮತ್ತು ಮಾನವ ಸೇವೆಯ ಮೌಲ್ಯಗಳನ್ನು ತಮ್ಮ ಪಯಣದ ಮೂಲಕ ಅವರು ಪ್ರತಿಬಿಂಬಿಸುತ್ತಿದ್ದಾರೆ ಎಂದು ಸೇಂಟ್  ಜಾನ್ಸ್ ಮೆಡಿಕಲ್ ಕಾಲೇಜ್ ಆಸ್ಪತ್ರೆ@ ಬ್ರಿಗೇಡ್ ಮಡೋಸ್ ನ  ಸಹಾಯಕ ನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.