ಕರ್ನಾಟಕ ರಾಜ್ಯದ ಧಾರ್ಮಿಕ ದತ್ತಿ ಇಲಾಖಾ ವ್ಯಾಪ್ತಿಯಲ್ಲಿ ಬರುವ ಅಧಿಸೂಚಿತ ದೇವಾಲಯಗಳಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಅರ್ಚಕರು (archakas) ಮತ್ತು ನೌಕರರ ಮಕ್ಕಳ ವಿದ್ಯಾಭ್ಯಾಸಕ್ಕೆ (Education) 2026-27ನೇ ಸಾಲಿನ ಪ್ರೋತ್ಸಾಹ ಧನ ನೀಡಲು ಮುಜರಾಯಿ ಇಲಾಖೆ ಪ್ರಕಟಣೆ ಹೊರಡಿಸಿದೆ.
ಆಯುಕ್ತರ ಕಚೇರಿ, ಹಿಂದೂ ಧಾರ್ಮಿಕ ಸಂಸ್ಥೆಗಳು ಮತ್ತು ಧರ್ಮಾದಾಯ ದತ್ತಿಗಳ ಇಲಾಖೆಯು ಸೆ. 3 ರಂದು ಹೊರಡಿಸಿರುವ ಆದೇಶದಂತೆ [ಸಂಖ್ಯೆ: E: 181664: HRICE-ADM0ADM1/832/2023] ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ.
ಯಾರಿಗೆ ಎಷ್ಟು ಪ್ರೋತ್ಸಾಹ ಧನ?
ಶೈಕ್ಷಣಿಕ ಹಂತ | ಮೊತ್ತ
1. ಪದವಿ ಪೂರ್ವ ಶಿಕ್ಷಣ (ಪಿ.ಯು.ಸಿ) | ರೂ. 5,000/-
2. ಬಿ.ಟಿ.ಬಿ / ಜೆ.ಒ.ಸಿ / ಡಿಪ್ಲೊಮಾ | ರೂ. 5,000/-
3. ಪದವಿ ಶಿಕ್ಷಣ | ರೂ. 7,000/-
4. ಸ್ನಾತಕೋತ್ತರ ಪದವಿ ಶಿಕ್ಷಣ | ರೂ. 15,000/-
5. ಇತರೆ ವೈದ್ಯಕೀಯ ಕೋರ್ಸ್ (ಆಯುರ್ವೇದ, ಹೋಮಿಯೋಪತಿ, ಯುನಾನಿ) | ರೂ. 25,000/-
6. ವೈದ್ಯಕೀಯ / ದಂತ ವೈದ್ಯಕೀಯ ಶಿಕ್ಷಣ | ರೂ. 50,000/-
7. ತಾಂತ್ರಿಕ ಶಿಕ್ಷಣ (ಇಂಜಿನಿಯರಿಂಗ್) | ರೂ. 25,000/-
8. ವಿದೇಶ ವ್ಯಾಸಂಗ (ಒಂದು ಬಾರಿಗೆ ಮಾತ್ರ) | ರೂ. 1,00,000/-
ಅರ್ಜಿ ಸಲ್ಲಿಕೆ ಹೇಗೆ, ಕೊನೆ ದಿನಾಂಕ ಯಾವಾಗ?
ಅರ್ಜಿ ಸಲ್ಲಿಸಲು ಅಕ್ಟೋಬರ್ 30, 2026 ಕೊನೆಯ ದಿನವಾಗಿದೆ.
https://itms.kar.nic.in/resources/docs/hrcescroll_doc/55/document_1.pdf
ಆಸಕ್ತರು ನಿಗದಿತ ಅರ್ಜಿ ನಮೂನೆಯನ್ನು ಜಿಲ್ಲಾಧಿಕಾರಿಗಳ ಕಚೇರಿ (ಮುಜರಾಯಿ ಶಾಖೆ) / ತಾಲ್ಲೂಕು ತಹಶೀಲ್ದಾರ್ ಕಚೇರಿಯಲ್ಲಿ ಮತ್ತು ಇಲಾಖೆಯ ಅಧಿಕೃತ ಜಾಲತಾಣ https://itms.kar.nic.in/hrcehome/index.php ನಲ್ಲಿ ಪಡೆದು, ಅಗತ್ಯ ದೃಢೀಕೃತ ದಾಖಲೆಗಳೊಂದಿಗೆ ತಮ್ಮ ವ್ಯಾಪ್ತಿಯ ತಾಲ್ಲೂಕು ಕಚೇರಿಯಲ್ಲಿ ಸಲ್ಲಿಸಬೇಕು ಎಂದು ಉಪ ಆಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.