ಕರ್ನಾಟಕದಲ್ಲಿ II PUC ಪರೀಕ್ಷೆ, ಅಂಕಪಟ್ಟಿ ಶುಲ್ಕ (Marks Card Fees) ಶೇ.50ರಷ್ಟು ಹೆಚ್ಚಳ!
ಕರ್ನಾಟಕದಲ್ಲಿ 2026–27ನೇ ಶೈಕ್ಷಣಿಕ ಸಾಲಿನಿಂದ II PUC ಪರೀಕ್ಷೆ, ಅಂಕಪಟ್ಟಿ ಹಾಗೂ ಇತರ ಸಂಬಂಧಿತ ಶುಲ್ಕಗಳನ್ನು ಶೇ.50ರಷ್ಟು ಹೆಚ್ಚಿಸಲಾಗಿದೆ. ಸುಮಾರು ಎಂಟು ವರ್ಷಗಳ ಬಳಿಕ ಶುಲ್ಕ ಪರಿಷ್ಕರಣೆ ಮಾಡಲಾಗಿದೆ.
ಹೊಸ ಪರಿಷ್ಕರಣೆಯಂತೆ, ಪರೀಕ್ಷಾ ಪ್ರವೇಶ ಶುಲ್ಕ 400ರಿಂದ 600ಕ್ಕೆ, ವಲಸೆ ಪ್ರಮಾಣಪತ್ರದ ಶುಲ್ಕ 480ರಿಂದ 720ಕ್ಕೆ ಏರಿಕೆಯಾಗಿದೆ. ಮರುಪರೀಕ್ಷೆ ಬರೆಯುವ ವಿದ್ಯಾರ್ಥಿಗಳಿಗೆ ಒಂದು ವಿಷಯದ ಶುಲ್ಕ 140ರಿಂದ 210ಕ್ಕೆ, ಎರಡು ವಿಷಯಗಳಿಗೆ 270ರಿಂದ 405ಕ್ಕೆ ಹಾಗೂ ಮೂರು ವಿಷಯಗಳಿಗೆ 400ರಿಂದ 600ಕ್ಕೆ ಹೆಚ್ಚಿಸಲಾಗಿದೆ. ಪ್ರಾಯೋಗಿಕ ಪರೀಕ್ಷೆಯ ಶುಲ್ಕವೂ ಪ್ರತಿ ವಿಷಯಕ್ಕೆ 110ರಿಂದ 165ಕ್ಕೆ ಏರಿಕೆಯಾಗಿದೆ.
ಇದೇ ವೇಳೆ, ವಿದೇಶಿ ವಿಶ್ವವಿದ್ಯಾಲಯಗಳು ಹಾಗೂ DGCAಗೆ II PUC ಅಂಕಪಟ್ಟಿ ಪರಿಶೀಲನೆಗಾಗಿ ಮೊದಲ ಬಾರಿಗೆ 2,000 ಶುಲ್ಕ ನಿಗದಿಪಡಿಸಲಾಗಿದೆ.
ಅಧಿಕಾರಿಗಳ ಪ್ರಕಾರ, ಈ ಶುಲ್ಕಗಳು ಹಲವು ವರ್ಷಗಳಿಂದ ಪರಿಷ್ಕರಣೆಯಾಗಿರಲಿಲ್ಲ. ಕಾಗದ ಮತ್ತು ಮುದ್ರಣ ವೆಚ್ಚ ಹೆಚ್ಚಾದ ಹಿನ್ನೆಲೆಯಲ್ಲಿ ಶುಲ್ಕ ಪರಿಷ್ಕರಣೆ ಮಾಡಲಾಗಿದೆ. ಹೊಸ ಶುಲ್ಕಗಳು ಪ್ರಸ್ತುತ 2026–27ನೇ ಶೈಕ್ಷಣಿಕ ಸಾಲಿನಿಂದ ಜಾರಿಗೆ ಬರಲಿವೆ.